SIDEBAR
»
S
I
D
E
B
A
R
«
కుండలి చైతన్యం కావడంతో జరిగే అధ్భుతాలు
Jul 28th, 2009 by chittoor Murugeshan

ప్రతి వ్యక్తిలోను అఖండమైన యోగ శక్తి కుండలి రూపంలో గుదమునకు రెండంగుళాల పైన మూలాధార చక్రమున సర్పం వలే తన తోకను తనే కరచుకుని ఉందని యోగ శాస్త్రం చెబుత్తుంది. కుండలి జాగ్రుతమైతే తటస్థించే అధ్భుతాలను ఈ టపాలో ఉంచి మరో సరి కొత్త చర్చకు శ్రీకారం చుడుతున్నాను.

మనిషిలో అతని స్వాస సూర్య నాడి ,చంద్ర నాడిగా నడుస్తుంటుంది. (కుడి ఎడమ నాశికా ద్వారముల ద్వారా) ఏదైన అరుదైన తరుణంలో అది సూక్మ్ణా నాడి ద్వారా జరుగును. ( భగవత్ ద్యానంలో లోతుల్లోకి వెళ్ళినప్పుడు/ఏదైన మోయలేని శోకం కలిగినప్పుడు, గురువులు దీక్ష ప్రసాదించినప్పుడు ) అది కొందరికి అభ్యాసం ద్వారా ,కొందరికి గత జన్మల్లో చేసిన అభ్యాసం ద్వారా జరుగును. అలా శ్వాస సూక్ష్మ్ణా ద్వారం గుండా జరిగినప్పుడు కుండలి జాగ్రుతమవుతుంది.

అది ఇందాక స్థితమై ఉన్న స్థానం మూలాధారం. అది భూతత్వం. అలా కుండలి మూలాధారంలో నిద్రావస్థలో ఉన్నంత వరకు మనిషికి ఈ భూమి మీద ఉన్న వస్తువులపై ఎన లేని ఆకర్షణ ఉంటుంది. అది జాగ్రుతమై స్వాధిష్ఠానమునకు ప్రాకినప్పుడు (జననేంద్రియమును ఆనుకుని) ఇంద్రియ స్కలనం పై నియంత్రణ వస్తుంది. ఎనలేని స్రుజణాత్మకత, స్రుష్ఠికి ప్రతి స్రుష్టి చేసే సామర్థ్యం వస్తుంది , మరి మణిపూరక చక్రానికి (బొడ్డు) ప్రాకినప్పుడు చాంచల్యం చెలరేగి పోతుంది. (కొందరు సిద్ద పురుషులు రెస్ట్ లెస్ గా ఉండటం, తిరుగుతూ ఉండటం , ఎడా పెడా ఊళ్ళు మారడం ఇవి ఈ స్థితిలోనే జరుగుతాయి. ఆ పై కుండలి అనాహతమునకు ప్రాకినప్పుడు (హ్రుదయ స్థానం) తనా పరా భేదం నశించి నిష్కళంకమైన విశ్వ ప్రేమ వికసిస్తుంది. ఆపై కుండలి విశుద్దికి (కంఠము) చేరును. అప్పుడు తన మాత్రు బాషకాని భాషల్లో సైతం, తనకు ఏమాత్రం పట్టు లేని విషయాల పై సైతం అనర్కళంగా బాషించడం ,ముఖ్యంగా ఆశువుగా కవిత్వం చెప్పటం, వాక్ఫలితం ఏర్పడుతుంటుంది. అలాగే సాధకుని మాటలు ఆజ్ఞలుగా శిరసావహించ బడతాయి.
కుండలి ఆజ్ఞా చక్రంలో (భ్రూ మద్యమున) స్థితమైన యెడల కేవలం మాట గాని, సైగ గాని అవసరం లేక కంటి చూపుతో జన బాహుళ్యాన్ని ఆజ్ఞాపించి తలచిన కార్యం కను రెప్ప పాటిలో ఇతరులచే చెయ్యించుకునే శక్తి వస్తుంది.

సాధకుడు ఈ స్థితి వరకే ప్రపంచానికి, మానవ కళ్యానికి ఉపయోగ పడతాడు.కుండలి సహస్రారమునకు ప్రాకిన అహం భ్రహ్మస్మి అంటూ పరమాత్మలో లీనమై పోతాడు. అందుకే భగవంతుడు సాధకునికి కొన్ని మాయా పూరితమైన కోరికలు కల్పించి ప్రాపంచికంగా జన బాహుళ్యానికి ఉపకరించేలా చూస్తాడు. తాను తలచిన క్షణం ఆ మాయా తెరను తొలగించి తన దివ్య దర్శనం గావించి తనలో విలీనం చేసుకుని కైవల్యం ప్రసాధించును.

RTS Perm Link

»  Substance:WordPress   »  Style:Ahren Ahimsa

RTSMirror Powered by JalleDa