1. ఒక స్త్రీ ఆడ శిశువుకు జన్మనిస్తే అది ప్రభుత్వ ఆసుపత్రైనా సరే, ప్రైవేటు ఆసుపత్రి అయినా సరే ప్రతి రూపాయి బిల్లు ప్రభుత్వమే చెల్లించాలి.(మొదటి రెండు సంతానాలకి)

2. స్త్రీ సంతానాన్ని కోరి పొందినవారికి ప్రభుత్వ రుణ, సంక్షేమ పథకాల్లో అత్యంత ప్రాధాన్యత ఇవ్వాలి.

3. స్త్రీ సంతానం పొందిన పేరెంట్స్ కి ప్రత్యేక రేషన్ ఇవ్వాలి. ఆహారం అందివ్వడంలో స్త్రీ పురుష సంతానాల నడుమ పక్షపాతం చూపే వారి పై కఠిన చర్యలు తీసుకోవాలి.

4. ఆడ పిల్లలకు ప్రత్యేక విద్యా విధానాన్ని అమలు చెయ్యాలి. హై స్కూల్ స్టడీస్ లో లైంగిక విద్య పరిచయం చెయ్యాలి. స్కూల్ యజమాన్యమే ఆడపిల్లలకు మర్మాంగాల శుద్ది, బహిష్టు, సెక్స్, గర్భం, ప్రసవం ఇత్యాది విషయాల పై అవగాహన కల్పించాలి. ఉచిత నాప్కిన్స్, వాటర్ ఫెసిలిటి తో కూడిన బాత్ రూమ్స్ విద్యార్థునులకు సరిపడే సంఖ్యల్లో ఏర్పాటు చెయ్యాలి.

5. వివాహ విషయంలో మెడికల్ ఫిట్నెస్ సర్టిఫికేటు తప్పని సరి చెయ్యాలి. పైగా ఒక న్యాయమూర్తి వైద్య పరీక్షలు నిజాయితిగా జరిగినట్టు ధ్రువీకరించాలి.

6. అలాగే పెళ్లికొడుకు విషయంలోను ఇదే పద్దతి పాటించాలి.

7. ఇక స్త్రీకి ఎప్పుడు గర్భం దాల్చాలని నిర్ణయించే హక్కు ఉండాలి.(రిస్క్ ఆమెదే కాబట్టి)

8. అంతే కాక వివాహానంతరం భర్తయొక్క ఆస్తుల్లో, సంపాదనల్లో (స్వార్జితమైనా సరే, పిత్రార్జితమైనా సరే ) సమాన హక్కు కల్పించబడాలి. వైధవ్యం సంభవించినా సరే, విడాకులే పొందినా సరే ఈ హక్కు స్త్రీ తప్పకుండా సంక్రమించాలి.

9. అదే విధంగా కన్న కొడుకు, కూతురైన సరే, పెంచిన దత్తకొడుకు, పెంపుడు కూతురైనా సరే వారి ఆస్తులు, సంపాదనల్లోను సమాన హక్కు కల్పించాలి.