తామరాకుల మీద తళతళా మెరిసేటి

 నీటిబింధువ నీదు జీవమెంతే…?

అటునిటూ కదిలేవు అబ్బురము పరిచేవు

వజ్రకాంతులతోటి మనస్సులను దోచేవు

 అందాల ప్రకృతికి కాపలా కాసేటి

తుమ్మెదీగలజూచి విరగబడి నవ్వేవు

నాచుమొక్కలు తింటు పూటలను గడిపేటి

చేపపిల్లల వంక చులకనగ చూచేవు

ఏపాటి బ్రతుకమ్మ ఓ నీటి చుక్కమ్మ

మా మనుజులనుజూచి నేర్చుకొనబోకమ్మ..

గాలివీచినపుడు గంగమ్మ పంపేటి

అలల తాకిడి తోటి అదృష్యమౌతావు ./.

         -శ్రీనివాస్ ప్రభు

RTS Perm Link