Nov 20 2012

నిను చేరాలనే…

నా తలపుల్లో నిలిచున్నది నీవైనప్పుడు
ఎడబాటుకు అర్థమేముంది
ఎదచప్పుడే ప్రతిధ్వనించెనా
అడుగు అడుగులో మెదలే సవ్వడై..

ఒంటరితనమే నా చిరునామా
పగలైనా రేయైనా నీ ఊహే
నన్ను నాకు వివరించేది
నను నిలువరించి వరించేది..

యుగాలవిరామంలో
క్షణాలు గడుస్తున్నాయి
అంతరంగాల్లో కూనిరాగాలే
జ్ఞాపకాల మనోభావాలు..

ఆకాశం చలికాగుతుంది
నా ఊపిరిలో వెచ్చదనానికి
మంచు కరుగుతుంది నీదిక్కున
నిను జీవితంలా శ్వాసించనీ..

ఈనేలపై నా అడుగుల తడబాటు
నీ ఊహల్లో నేను నేనుగా ఉండాలనే
ఆవిర్లు విరజిమ్మే గుండె చప్పుడు
ఆగేలోగా నిను చేరాలనే.

RTS Perm Link

One response so far

One Response to “నిను చేరాలనే…”

  1. padmarpitaon 20 Nov 2012 at 11:55 PM

    🙂

Trackback URI | Comments RSS

Leave a Reply

*

RTSMirror Powered by JalleDa