Oct 02 2012

ఈ నేలపై నే జన్మించాలా!

ఆమ్మా నాకు గుర్తే ..
నీ మాటలు.. నా ప్రసవానికి నీ వేదన
నా ప్రయాణం లో నీ ప్రయాస చాలా పెద్దదనీ,
కాలం కరగని నెప్పులకు కారణం నా ఈ సందిగ్ధతే..
ఈ నేలపై నే జన్మించాలా!

అన్ని దారులూ దిఙ్మండలాన్ని ఛేదించినా
నేను దారి లేక ఉండిపోయా నీలో
నువ్ ప్రసవార్ధి వై పడుకున్నప్పుడు
చూపులు ఆకాశానికి గుచ్చివున్నాయని

మూసుకుంటున్న కనులు తెరుచుకున్న పెదవులతో
ఆకాశమే నాకు ఆధారం అన్నాయని!!

తరాల పేదరికం కప్పుకుని నువ్వు
తల కింద తరగని అవసరాల దిండు

రాత్రినిద్రలో పగలు పనుల్లో
మెలికలు తిరిగే జీవితం
ఖాళీ పిడికిళ్ళ తో గుండెలు కప్పుకుని
నువ్వు చెప్పాలనుకున్న మాటలు

ప్రతి మనిషి ప్రకృతి పురుష సంగమ సృష్టి అని
ఈ దారిని మార్చజాలని దైన్యులమనీ

నీ చుట్టూ తిరిగి తిరిగి నువ్ కనుగొనలేదా
భూమి గుండ్రమనీ.

ఆమ్మా
ఇది నీ నేలే. నదులు ఒరుసుకు పారే గట్లతో
అంచులు దాటే సెలయేర్లతో
ఈ నేలే నిన్ను దోసెడు నీటి కోసం
రక్తాన్ని చిందిస్తూ పోరాటం చేయించింది!
ఈ మహానాగరికతంటే నాకొక చీత్కారం

నువ్ పుట్టినందుకే ఈ నేల నీదా..! మనదా!!
నీకు పుట్టినందుకు నాదవుతుందా!!
నా నేల ఇదే అని నే పాటలు పాడాలా.. ప్రేమించాలా!!
మన్నించమ్మా..
నిజం చెప్పనా సంశయంలో ఉన్నా
ఈ నేలపై నే జన్మించాలా!

by: L S Rokade in Marathi

RTS Perm Link

5 responses so far

5 Responses to “ఈ నేలపై నే జన్మించాలా!”

  1. suvarchalaon 02 Oct 2012 at 1:56 PM

    sateesh garu!
    మీ కవితలన్నీ చదివాను. మీ కవితావేశాన్ని చదువుతుంటే AMRITAM KURISINA RAATHRI చదువుతున్న ఫీలింగ్..నిజంగా నిజం. మీ MANASUBAATA కి నా మనసులో మాట చెప్పనా? ఇప్పటిదాకా మీరు మానవ కేంద్రంగా రాసారు. ఇప్పుడు ECO FRIENDLY ; BIO DIVERSITY మీద చక్కటి భావావేశాన్ని అందించగలరు అనిపించింది
    suvarchala

  2. SKYon 02 Oct 2012 at 2:30 PM

    thank you suvarchala garu!

  3. కాంక్షon 02 Oct 2012 at 3:51 PM

    నన్ను కని ఆనంద పడ్డావు
    నేనవమానిస్తే భరించావు
    ఛీదరిస్తే సహించావు
    నిన్నే నాశనం చేస్తుంటే ఓర్చుకున్నావు

    అమ్మా.. నీకు కోపం రాదా…
    నీకంటూ ఇష్టాఇష్టాలుండవా…
    ఇంతలా అడుగుతున్నాకదా మాట్లాడవేంటి..
    అమ్మా.. అమ్మా.. నిన్నే మాట్లాడు..

    నీమీద కాకపోతే నేనెవరమీద కోప్పడతాను!
    ఎవరిమీదకోప్పడితే ఎవరూరుకుంటారు
    అమ్మా ఒక్కసారి మాట్లాడమ్మా…
    నేం చేసింది తప్పే… ఒప్పుకుంటున్నాను

    నువులేకపోతే నేనేవైపోవాలమ్మా
    నేనెవరితో మాట్లడాలమ్మా
    నన్నొంటరివాడ్ని చేయకమ్మా
    అమ్మా… ఒక్కసారి… నీనిర్ణయం మార్చుకోమ్మా!

  4. కెక్యూబ్ వర్మon 02 Oct 2012 at 7:16 PM

    చాలా ఆర్థ్రతతో ఆవేదనతో ఆక్రోశంతో కలగలసిన ప్రశ్న…మరాఠీ మూలం నుండి మీరు చేసిన అనువాదం హత్తుకుంది సతీష్ గారూ.. అభినందనలతో.

  5. SKYon 02 Oct 2012 at 7:58 PM

    thankyou friend.

Trackback URI | Comments RSS

Leave a Reply

*

RTSMirror Powered by JalleDa