Sep 28 2012

ఉడతా!!నీకూ నాకూ తేడా…

రాములోరి వారధికి రాళ్ళెత్తిన ఉడతా
ఎందుకే నీకంత పోజు భక్తి ముసుగా! వెనకా!!
సమర్థుడు సాహసి వాడు అని నువ్వూరుకున్నావా
కోతులతో పాటూ నాకూ ఉందని తోక ఊపుతు వెళ్ళావా!!

ధర్మరాజు యాగంలోన కథలు చెప్ప వచ్చావంటా
రంతిదేవుని దాతృత్వం రంగు పూసి వల్లించావా
రాముడు నిమరిన వేళ్ళ చారలైనా వంటి మేలిమి మిసమిసైనా
నీ మూతి విరుపో, వంటి తీరునో చూపడమేలే ఆంతర్యం

పుట్టి కన్ను తెరవడానికి నీకు 40 రోజులెందుకో
నిద్రానంతర ఊర్మిళ లా రంగుతిరగడానికా!
యువరాణి లేఖ రాయలన్నా ప్రియుడు బొమ్మ గీయాలన్నా
నీ తోక పీకి వాడాలనే పితలాటకం పెట్టిందెవరో

నాజూకైన దేహం.. గుబురుబొచ్చు తోకా.. చారడీసి కళ్ళూ
ఏ సౌందర్యరాశి నీసాటి! స్వేఛ్ఛాజీవివి నీకేది పోటీ!!
నువ్వు లేని ఊరు లేదు నీ అందం చూడని కళ్ళు లేవు
చేతిలో పండో గింజో ఉంటేనే నావైపు నువ్వొస్తావా!!

ఆడపిల్లల్లా మెరిపిస్తావ్ మురిపిస్తావ్ వెక్కిరిస్తావ్
మొగపిల్లల్లా గంతులేస్తావ్ భయం వదిలి పరుగులు తీస్తావ్
ఎండకాసినా వాన వచ్చినా తోక గొడుగులో దాక్కుంటావ్
ముందు జాగ్రత్తతో ఉన్నట్టుంటావ్ పట్టుకుంటే కరుస్తావ్

ఠక్కున కనిపించి పుటుక్కున జారుకుంటావ్
మాకూ నీకూ తేడా నీ మానసిక సున్నితత్వం
పువ్వులని వాసన చూసినా తెంపకుండ వదిలేస్తావ్
నువ్ చనిపోయినా బొమ్మలానైనా పనికొస్తావ్

RTS Perm Link

3 responses so far

3 Responses to “ఉడతా!!నీకూ నాకూ తేడా…”

  1. suryaon 29 Sep 2012 at 10:03 AM

    this was one of your master peice , i loved it and i would love it for ever. so will be your poem … forever.

  2. Ganesh Beharaon 29 Sep 2012 at 6:38 PM

    sir chala bagundhi. ee patalo udhathabhaktiga ane padahaniki sardhakyam chekuruthundhi.

  3. murtyon 07 Oct 2012 at 11:37 AM

    It’s nice one from u like before. I really love this, thank you sir.

Trackback URI | Comments RSS

Leave a Reply

*

RTSMirror Powered by JalleDa