Sep 25 2012

నల్కిస్ నల్కిస్ నాపేరు రాందాస్

నలికిరప్ప నలికిరప్ప
నావైపు రాకు.. నా పేరు.. నాగప్ప
నల్కిస్ నల్కిస్ నాపేరు రాందాస్
నన్ను చూడమాకు నావైపు రాకు ..
నువ్ మాచే పాడించిన పాట కదా!

గుంటూరైనా.. గురజాలైనా కనిపించేవు ఆనాడు.
గుడుగుడు కుంచం లా తలపుల్లోనేమిగిలావు
నువ్వూదితే బిందెడుపాలు తాగాలనడము ఆ నాటి మాకవిత్వం కాదా!

తెలంగాణా లో పాలబిందె నడుకుడి పింజ రాయల సీమ లో నలికిరచ్చ
పల్నాడులో నల్కీస్ ఉత్తరాంధ్ర లో బిందె పాము ఎన్ని పేర్లున్నాయ్ నీకు నలికిరి పామూ
కనిపిస్తే పారిపోయే నీకు మేమేమి చేసాము? కనపడకుండా పోయావు!!

ఏ ముంగీస తినేసిందో.. మా తలపులని..
ఉడతా, పిచ్చుకలతో పాటు కనుపరుగైపోయావు..
జీవ వైవిధ్య సదస్సుల్లో కనీస బొమ్మగా గుర్తొస్తావా!
మా చిన్నారి తరానికి అందమైనా జుగుప్సగానైనా తలపిస్తావా!!

RTS Perm Link

2 responses so far

2 Responses to “నల్కిస్ నల్కిస్ నాపేరు రాందాస్”

  1. Ravi Kumar Ejson 26 Sep 2012 at 7:19 PM

    Thank u Sir..
    Chala Baagundhi.

  2. kavithaon 25 Oct 2012 at 7:57 PM

    baagundandi….

Trackback URI | Comments RSS

Leave a Reply

*

RTSMirror Powered by JalleDa