Sep 10 2012

పేపర్లో చావు వార్త చదవాలని లేదు

Published by at 7:06 PM under గజల్

గజల్..

పేపర్లో చావువార్త చదవాలని లేదు
(నిద్ర) లేస్తూనే నిట్టూర్పుల జట్టు కట్టాలని లేదు

ఉన్మాదం ఉద్రేకం నైరాశ్యం నీడలోన
రేపటి రోజుల వెలుగుని వీడాలని లేదు

చిక్కబెట్టు మనసుని, చెదిరితే చావే సాంత్వనా?
జగతి ముందు యువతని బేజారుగ చూడాలనిలేదు

పంచుకున్న ప్రేమల్లో, ఎంచుకున్న చదువుల్లో చెలికాడా!!
ఆటనాపి మడమతిప్పు తలపుల తనువులను తడమాలని లేదు

కారకాలు కోరికలు తీరనివి ఎన్నున్నా
తిరిగిరాని తీరాలకు తరలి పోవాలనిలేదు లేదు!

వొప్పుకోకు ఓటమినీ నీ బాట ఎలా అవుతుందది?
పడిన చోటే జారుకుంటూ నిలవాలని లేదు

జీవితం పాలపొంగు.. నీతో నిలచిన వారే నీ ఆస్తి
నింగితాకు జువ్వలాగ ఎగిరి నేల వాలాలని లేదు

ఎందుకు సతీశ్ నీకు ఎగసే కెరటం తీరుగ
పడిపోయినా చెడిపోయినా వీడిపోవాలని లేదు?

పేపర్లో చావువార్త చదవాలని లేదు
శోకంలో నేడువున్నా.. రేపురోజు వెలుతురును వదలాలని లేదు

పేపర్లో చావువార్త చదవాలని లేదు

RTS Perm Link

2 responses so far

2 Responses to “పేపర్లో చావు వార్త చదవాలని లేదు”

  1. kanistakaamkshaon 10 Sep 2012 at 8:20 PM

    ప్రపంచ ఆత్మహ‌త్యా నిరోధ దినోత్సవం సంద‌ర్భంగా.అని. బైలైన్‌. లేకపోతే ఎలా తెలిసేది!! సందర్భం 🙂

  2. padmarpitaon 10 Sep 2012 at 9:22 PM

    న్యూ కాన్సెప్ట్….గుడ్!

Trackback URI | Comments RSS

Leave a Reply

*

RTSMirror Powered by JalleDa