Jun 19 2019

యశస్వి||నవమి కబుర్లు||

Published by at 5:15 PM under my social views

కిక్కిరిసిన నెలవారీ కూలీల బస్
చలువగదుల అడ్డాలకి తరలుతుంది
లంచ్ బాక్సుల్ని ఆగి ఆగి ఎక్కించుకుంటూ
పండగలకి సెలవుల్లేవు

కార్బైడ్ గోదాంల ముందు వరుసల్లో రైతు ఆశలబళ్ళు
ఎండుగడ్డిలోకి తరలిపోతున్నాయి
నోటితీపి ఎన్ని జేబులకి చిల్లుపెడుతుందో
తిన్నా ఆరోగ్యం సున్నా

టిఫిన్ బళ్ళ ముందు సాగిలపడుతున్న 
బ్యాచిలర్ బతుకులు చిల్లర లెక్కపెట్టుకుంటూ
ఎండన పడ్డాక ఏ సెంటర్ ఇరానీ చాయ్ బన్ను ప్రాప్తో
ఏరోజుకారోజే బాజా

రంగుబట్టల్లో బడికెళ్తున్న పిల్లకాయలు 
పరీక్షలు ఐపోయినా కస్టడీ లో ఉన్న ముద్దాయిలు
రెండో పూటకి జామీను దొరికితే బంతిని చితక్కొట్టాలని బ్యాటు
బాల్యం అంటే ఉచితం కాదు నిర్బంధమే

రామదండులు కానరాక దిగాలైన తాతల ఊళ్ళు
పీజా బర్గర్ రోజుల్లో వన్ డే ఆఫర్- వడపప్పు పానకాలు
ఒంటి మిట్టలో బ్రాంచి ఆఫీస్ ఓపెన్ చేసిన భద్రాద్రి రాముడు్
ఈ రోజు పెళ్ళి హెడ్డాఫీసులోనే

=12.4.19=

RTS Perm Link

No responses yet

Trackback URI | Comments RSS

Leave a Reply

*

RTSMirror Powered by JalleDa