Aug 01 2018

| ప రాం ప్రే య సీ..!|-18

Published by at 1:22 PM under my social views

నచ్చని ఇచ్చకాలు
ముందొకలానూ, పెళ్లయ్యాక ఇంకోలానూ ఉంటారని ఈళ్ళని ఆళ్ళూ, ఆళ్ళని ఈళ్ళు ఆడిపోసుకుంటారు ఆడాళ్ళూ, మగాళ్ళు. అసలా ఒకేలా ఉండటం విసుగనిపించదూ. పెళ్ళి మంత్రాలకు అర్థాలు వెతకను నేను, భార్యవి కదా అని.. ప్రేమించడం నాకు చేత కాదు. పుట్టినప్పటినుంచీ అందరూ నన్ను ప్రేమించినవాళ్ళే; అందినదే ఇచ్చిపుచ్చుకుంటున్నాను. ఈ జిందగీ ఎంత వింతైనదో ఒకచోట వదిలితే మరో చోట పట్టుకోవాలి. పంచుకున్న చోట గిట్టుబాటు కానంతమాత్రాన నొచ్చుకునేది ఏముంటుంది! లక్ష నిరాకరణల నడుమ కలిసి జీవిద్దాం అన్న అంగీకారం పై గౌరవం నాకు, భౌతికప్రేమ మధురమైనదీ మోహం మొహం మొత్తేసేదనీ తెల్సు, నేల మీద నిలబడి జీవించేందుకు చేసుకున్న సర్దుబాట్లే అన్నీ. అసలు జీవించడమే ఓ ఉత్సవం ఐనప్పుడు కలిసి జీవించడం ఎప్పుడూ ఆనందమే. నా ప్రపంచాన్ని నీకు అందించడం, నీ ప్రపంచం లోకి నన్ను ఆహ్వానించడం, మన ప్రపంచాన్ని సృష్టించుకోవడం, ఎవరి ప్రపంచం లో వాళ్ళు మిగిలిపోవడం ఇది తనను తాను అద్దం లో చూసుకోలేని ప్రపంచపు పరిభాష. ఎవ్వరు ఈ లోకాన్ని ఎలా చూసినా ప్రతి చినుకులోనూ అదే తడి. మరి నిన్నే నా లోకమని అంటుందని ఎందుకంటే, నన్ను తడిపిన తడి చినుకువి, జడివానవి నువ్వేమరి.

RTS Perm Link

No responses yet

Trackback URI | Comments RSS

Leave a Reply

*

RTSMirror Powered by JalleDa