Aug 01 2018

| ప రాం ప్రే య సీ..!|-17

Published by at 1:09 PM under my social views

నేనేమో అమ్మరెమ్మ-తానేమో వెన్నెలకొమ్మ
మా అమ్మమ్మ ఊరేమో పొలమూరు, గోదావరి ఇవతలి పేరు బక్కరైతుకి అమ్మ ఐదో సంతు, తొమ్మిదో ఏడు బాలానందం కి వెళ్ళిందని తిట్లుతిప్పని ఇంటి పడికట్టు. ఎస్సెసెల్సీ చదివితే ఊరి బడిగట్టు దిగినట్టు.. చుట్టం చూపుకి వచ్చినోడు నచ్చిందన్నాడని చదువుకున్నాడని, కూడూ-గుడ్డా కొదవుండదని నాన్నకి కట్టబెట్టారు గానీ ఇక్కడ ఉద్యోగం లేక పక్క రాష్ట్రానికి వలసవెళ్ళిన వైనం. పాసింజరు రైలు ప్రయాణాల దూరాభారం. పేదరికానికి కొత్తరూపు దిగువ మధ్యతరగతి జీవితం. ఒంటి రెక్కల మీద ఇద్దర్ని కనిపెంచడం, కధలు చెబితే నీతి, చదువు చెబితే రీతి అలవడుతుందని నమ్మి ఆచరించడం. నాకు పాలు పట్టాలనో, కనిపెట్టుకునుండాలనో నా స్కూల్లో టీచరుగా చేరడం, తానే గురువై హిందీ పరీక్షలు కట్టించడం, సాహిత్యం ఆమె ఉగ్గుపాలు లలితకళలన్నీ నా నోటికందించిన పోతపాలు, నేనెన్ని చెప్పినా నన్ను ద్దిద్దితీర్చిన అమ్మ తపన చర్వితచర్వణం. ఎదగడంలో లోపమెక్కడ ఉందో వేళ్ళూనుకున్న నేలంతా సార్వంతమే, ఆకాశాన్ని అందుకోవడం లో సగందూరం లోనే ఆగిపోయాను. అప్పుడు కనిపించావు నువ్వు ఆకాశం లో సగమై, ఆశల తారకల నడుమ నీకై వికసించాను, నన్ను ఎల్లవేళలా వెలిగించి ఉంచేది నీనెలవంక నవ్వు; మనం కన్న తురాయి పువ్వు.

RTS Perm Link

No responses yet

Trackback URI | Comments RSS

Leave a Reply

*

RTSMirror Powered by JalleDa