Aug 01 2018

| ప రాం ప్రే య సీ..!|-11

Published by at 1:02 PM under my social views

ఇద్దరు ముగ్గురయ్యేవేళ

ఎంత సాధన చేస్తే నైపుణ్యాలు అలవడుతాయి! కలల్నీ, పిల్లల్నీ కనడానికీ సాధన అవసరమే. వివేకం, వైరాగ్యం, నిగ్రహం, మోక్షం ఇవే సాధనామార్గాలు. మోక్షమంటే నా దృష్టిలో మనల్ని మనం తిరిగిపొందడమే. స్వస్వరూపానందా విర్భావమే. రెండు చిదానంద తనువులు మనువాడి ఓ నలుసుకి జీవం పోయడం ఓ తన్మయత, తాదాత్మ్యత. కేలండరు రెండువేలో సంవత్సరం దాటి నాలుగేళ్ల నాలుగు నెలల నాలుగో వారం లో అడుగుపెట్టినట్టు చూపిస్తున్న 22వ తారీకున అర్ధరాత్రి ముహూర్తానికి అనువుగా మధ్యాహ్నం రెండుగంటలు దాటాకా నీ చిటికెన వేలును కోరి గోదారి దాటాను. కాలం గిర్రున తిరిగి అదే రోజు అదే సమయం మనల్ని ముగ్గుర్ని చేసి చూపించింది. పెళ్ళిరోజుకి ఇంతకుమించిన పరమార్ధం ఏముంది! బిడ్ద పై మమకారం కలిగి మన ప్రాణాలురెండూ పెనవేసుకున్నాక నన్ను నీలో నిలిపి నవమాసాలూ ఎదురుచూశాను. ఆద్యంతాలూ నీవే. “మిమ్మల్నింకా ముందుగానే  కలవలేకపోయానన్న లోటు ఈ జన్మకు తీరదు, అత్తమ్మని ఇంకా ఎదురుచూడనివ్వొద్దు, వీలైనంత త్వరగా మనవడ్నివ్వాలి” అంటూ ఆలస్యాన్ని వద్దన్నావ్. ఆషాడం అడ్డురాకపోతే  కొత్త సంవత్సరం శుభాకాంక్షలు చెప్పేవాడేమో. నా యశోధరవి నువ్వు. చిరునవ్వులతో చిరాయువై వర్ధిల్లు.

RTS Perm Link

No responses yet

Trackback URI | Comments RSS

Leave a Reply

*

RTSMirror Powered by JalleDa