Aug 01 2018

| ప రాం ప్రే య సీ..!|-10

Published by at 1:01 PM under my social views

ఇద్దరు ఒకటయ్యేవేళ

జంటగా ఒకటవ్వాలంటే ఎనిమిది చర్యలు జరపాలట. స్మరణ, కీర్తన కేళిలు– తలచి, కొలిచి, పిలిచి ఆడుకోవడం; ప్రేక్షణ, గుహ్య భాషణ, సంకల్పాలు-ఒకరినొకరు చూసుకుని, చనువైనవి మాటాడుకుంటూ, అనువైన దారి వెతుక్కోవడం; అధ్యయన సాయం, క్రియానిర్వృత్తులు– ఆదారిన పయనించి గమ్యం చేరడం. ఏది తక్కువ మన ఆరాటంలో! ఇవన్నీ తీరడానికి మనకి రెండేళ్ళు పట్టింది. ఇప్పుడు అవన్నీ ఏకరువు పెట్టను. ఇక్కడో మాట ఒప్పుకోవాలి. ఎలా మొదలైందో అలా ముగియాలని లేదు. జీవితం ఎన్ని పరీక్షలు పెట్టినా నీ మీద నా ప్రేమ తగ్గింది లేదు, అలకలూ, ఆవేశాలూ ఎవరికీ తక్కువేం లేవు. అన్ని జంటల్లానే అంతుచిక్కని అంతఃసూత్రమేదో మనల్నిద్దరినీ కలిపి ఉంచింది.

ఈ కధలోంచి కొంచం బయటకి వచ్చి నిన్నటి మాట ఒకటి చెప్పనా! నువ్వెప్పుడో రాసిన ఉత్తరం ఒకటి రాత్రి నీకు చూపించానా! అక్షరమక్షరం చదువుకుని నవ్వుకున్నావ్. ఇది రాసింది ఇప్పటి నేను కాదు, అప్పుడు అదో పిచ్చిది అని తప్పించుకోవాలనుకున్నావ్. అందుకే నిజం ఒప్పేసుకున్నావ్. పెళ్ళైన కొన్నాళ్ళకే మేడమీద మైమరచిపోయి ఓ మాట అన్నావ్, అన్నీతీరాయి నాకు పిల్లల్ని కనడం తప్ప.. ఆ ఒక్కటీ తీరితే ఇక చచ్చిపోయినా పర్లేదు అని. నువ్వు నిజంగానే..!!

RTS Perm Link

No responses yet

Trackback URI | Comments RSS

Leave a Reply

*

RTSMirror Powered by JalleDa