Aug 01 2018

| ప రాం ప్రే య సీ..!|-7

Published by at 12:59 PM under my social views

గడుసరి లాహిరీ..

పీటలెక్కేటందుకు నీ పాట్లు నీకుంటాయని ఉద్యోగం మానేసావు. అన్నదమ్ములు లేని ఇల్లు, చెల్లేనెచ్చెలి. నాన్నని కాపాడుకుంటూ ఈదురుగాలుల్లో నుంచున్న అమ్మ. బయట సంబంధంవద్దని శాస్త్రం చెప్పే మేనమామ. అప్పట్లో నీకెన్ని ఇక్కట్లో! నన్ను చీకటిపరం చేసి రేపు మనమిద్దరం కలిసుండాలని నీ యుద్ధం ఒంటరిగా మొదలెట్టావు, చీకటిని చీల్చుకువస్తేనే కదా రేపటి బాలుడు కనపడేది!! నీ చూపుల వెచ్చదనం కనుమరుగైన  కాలంలో  నా  పనులు కొన్ని.. ఉద్యోగ బాధ్యతల్ని సక్రమంగా నిర్వర్తించడం, బెంగటిల్లినవేళల్లో నిన్నూరడించడం, నువ్వు  ఉండబట్టలేక బెదిరిస్తే చేతక్ ఎక్కి నీ చెంత చేరడం, ఆశల్ని సజీవంగా ఉంచుకునేందుకు ఒకరికొకరం సర్దిచెప్పుకోవడం. అసలు సమస్యేంటి! మీ ఆస్తి కరిగిపోవడం, అంతస్తు తరిగిపోవడం. ఏం తెచ్చుకోనక్కరలేదన్నా, వడ్డాణం అరవంకీ అడ్డం పెట్టుకుని  ఏర్పాట్లూ.. అంటూ ఆలస్యం చేసేశావు.

పెళ్ళంటే ఎంత కష్టమో అందరికీ ఆ అదృష్టం ఉండొద్దూ!  పెళ్ళికూతురే  కళ్యాణమండపం మాట్లాడుకుని రావడం. అది అవసరం మాత్రమే అయితే సరే; ఒంటరి ఈదులాట అలవాటుగా మారితే.. బలాన్ని బలహీనతగా మార్చుకోవడమే కదా! తోడు నీడలా ఉండాలా! నీడతోడుగ నిలుచుండాలా! ప్రియురాలా!!

RTS Perm Link

No responses yet

Trackback URI | Comments RSS

Leave a Reply

*

RTSMirror Powered by JalleDa