Jul 04 2017

యశస్వి|| తాగాల్సిన కాలమిది||

Published by at 4:55 PM under my social views

​Drinking Water at the Right Time

తాగుతూనే ఉండాలి ఎల్లకాలం
ఇంకేమీ అక్కరలేనంతగా
తాగుతూనే ఉండాలి ఎల్లకాలం
కాలం నీ భుజాలమీద మోపిన బరువు
నేలలోకి నిన్ను అణగ దొక్కుతున్నా సరే
నిరంతరం తాగుతూనే ఉండు
మొలకెత్తే ప్రశ్న ఒక్కటే
ఏం తాగాలి!!
మధువా!
కవితా!
నువ్వు నమ్మిన ధర్మాన్నా!
ఏదైనా సరే తాగుతూనే ఉండాలి
కొన్నిసార్లు భవనాల వసారాల్లో
కొన్నిసార్లు కాలువ పక్క పరచుకున్న పచ్చదనంలో
నీ కిష్టమైన నీ ఏకాంతమందిరంలో
అన్నిసార్లూ తాగుతూనే ఉండాలి ఎల్లకాలం
మైకంలోంచి అరగానో, త్వరగానో
బయటపడ్డప్పుడు
వీచే పవనాన్ని అడుగు,
విరిగే కెరటాన్ని ఆడుగు
మెరిసే తారనో,
కూసే పిట్టనో,
తిరిగే గడియారాన్నో
నీ ముందు ఎగిరేదాన్నో,
తిరిగేదాన్నో,
ఆడేదాన్నో,
పాడే దాన్నో,
పలికేదాన్నో
దేనినైనాసరే అడుగు..
ఇదేకాలమో, ఏంచేసే సమయమో!
ఆ గాలో,
కెరటమో,
తారో,
పిట్టో,
గడియారమో
సమాధానం చెబుతాయి నీకు..
ఇది మనసారా తాగాల్సిన కాలమని
― Charles Baudelaire ని ఆవాహన చేసుకుంటూ…
–8.6.17–

RTS Perm Link

No responses yet

Trackback URI | Comments RSS

Leave a Reply

*

RTSMirror Powered by JalleDa