Apr 09 2014

యశస్వి|| మనవిజేసుకునేది..||

Published by at 6:49 PM under my social views

when-imagination-wins-over-intellignce-it-is-love

మాటల ఐస్ క్రీం ఎందుకు కరిగిందని
అడుగుతున్నావు..అమాయకంగా
నీ చేతుల వెచ్చదనానికి తెలుసులే ఆ వివరం

ఎగిరెందుకు పోతున్నావని నిలదీస్తున్నావా!
నువ్వెత్తిన గాలిపటాన్నేగా! నేను!!
బిగబెట్టి లాగుతున్నావేమో..
నమ్మకాల తాడు పురులువిడుతుంది చూడు

అడిగిందే అడగకు..
విన్నదే వినాల్సొస్తుంది నువ్వు
మనసు ముసురు తరమడానికి
కొత్త సుప్రభాతాన్ని ఎందుకు రాస్తాను!

అప్పుడలా ఎందుకన్నానా!
చీకటి చుట్టబెట్టుకుంది నన్ను
నిన్ను కాదు..వేకువ ఆలస్యానికి
మంచు దుప్పటిని తిట్టుకుంటున్నాను

ఎద మలుపుల్లో నీ గలగలల హోరు
నీ రూపం నిండిన కళ్ళకు లోకం కనపడదు
ఎందుకింత ఆలస్యమన్న మన తొలిపరిచయానికి
సమాధానం దొరకనేలేదు

ఓ రోజా పువ్వా!
ఇంకేమి చెయ్యగలను నీకోసం
నువ్వుకోరినట్టే ఉండాలని
గుండె గువ్వ నీముల్లుకే గుచ్చుకుని
వేలాడుతోంది చూడు

నిలబడ్డ నిజమే మన ప్రేమ కధ
నెత్తురేమైతేనేమిలే కన్నీరుని చులకన చేయకు

చిలికిన గుండెలో చిందేదేదైనా
చివరకు మిగిలేదేదో
నీకు మాత్రం తెలియదా
ఎన్నిసార్లు పలికినా
అది నిన్నేకదా!

RTS Perm Link

No responses yet

Trackback URI | Comments RSS

Leave a Reply

*

RTSMirror Powered by JalleDa