Aug 16 2013

యశస్వి || కథగా కల్పనగా కనిపించెను నాకొక దొరసాని .. ( ఇంకెవరు శ్రీదేవి!)

Published by at 8:03 AM under my social views

“మిస్ ఇండియాలెందరున్నా
మిస్టర్ ఇండియా ప్రేయసి ముందు ఎంతన్నా!!
వెన్నెలమ్మలెన్నొచ్చినా
నిన్ను మించిన చాందినీయే లేదన్నా..

మేరీ నయనోంకీ సపనా!!
అని ఎవరు ఎవరినన్నా
నువ్వే గుర్తొస్తావ్ శ్రీదేవీ!

ఏక్ లంహే కాఫీ హై నాగినీ!
తుజే దేఖ్ తే హీ నశా చడ్ జాతీ లహోమే
తేరీ ముస్కురాహట్.. ఇన్షాఅల్లా..
కిసీ తోఫేసే కమ్ నహీ”

ఆపరా అన్నా!!
అపరంజి బొమ్మకు
ఐదు పదులు నిండాయంట
ఇంకా ఆమె శృంగార దేవతేనా!

పదహారేళ్ళ వయసు
వసంతకోకిల..
తోఫా నాటి
థండర్ థైస్ శిల్పం కాదామె..

చమురు ఆరిపోయిన బక్కపలచటి వేళ్ళూ
చేతులకేమీ తొమ్మిదేసి గాజుల్లేవు…

“అయితే నేం!!!…

ముఖ కవళికల్లో భావ ప్రకటన తగ్గని
ముడతల్లో నలుగుతున్న అతిలోక సౌందర్యం రా ”
*****

వానపాటల కేరాఫ్ అడ్రస్ ఎప్పుడో మారింది
ఆ అభినయ లోయల్లోకి దూకి ఈదలేక
పొడిపాటలే పాడుతున్నాయి కొత్తపావురాళ్ళు
అదిచాలదా ఆమె స్థానానికి పోటీ లేదని చెప్పడానికి

షిఫాన్ చీర ఆమెతోనే తెరమరుగైంది
చీరకట్టాల్సిన నాయకి చెడ్డీ తొడుగుతుందిప్పుడు
ఇందుకే ననుకుంటా..

పాకుడు రాళ్ళపై నిలదొక్కుకున్న వారెందరు
మాయా జలతారు వెనుక
నువ్వొక నిదర్శనం

సమ్మోహితం చేసే నటన
నిన్ను పసితనం నుంచీ చూస్తున్న తెలుగోడికి
నువ్వే ఓ కళారూపం

నీతలంపులు పలుచబడుతున్న వేళ
సినీ వినీలాకాశంలో పునరాగమనంతో..

ఆంగ్లం రాని అమ్మలలో కొందరైనా
స్పోకెన్ ఇంగ్లీష్ క్లాసుల వైపు
నడిపించావన్న నిజం..

*ఏంచేస్తాం..*…
చూపులతో నాన్నల్నీ..
చేతలతో అమ్మల్నీ పట్టుకు కూర్చున్నావ్

అందానికీ, అల్లరికీ చిరునామా!!
ఈ పుట్టిన రోజున..
ఎప్పుడూ అడిగే వరమే మళ్ళీ అడగమా!!
నీవి మరిన్ని బొమ్మలు చూసే అవకాశం ప్రాప్తి రస్తు.

==13.8.2013==
(on her 50th Birthday)

RTS Perm Link

One response so far

One Response to “యశస్వి || కథగా కల్పనగా కనిపించెను నాకొక దొరసాని .. ( ఇంకెవరు శ్రీదేవి!)”

  1. knvmvarma(vasu)on 22 Aug 2013 at 9:45 AM

    నిన్ను పసితనం నుంచీ చూస్తున్న తెలుగోడికి
    నువ్వే ఓ కళారూపం

Trackback URI | Comments RSS

Leave a Reply

*

RTSMirror Powered by JalleDa