Mar 28 2013

||కాలమా!!.. నువ్వు నా వెనకే..||

నీనుంచి నేను తరలిపోయినప్పుడల్లా
నిజం తలుపు తెరుచుకుంటూనేఉంది.
నే పారిపోతున్నానని గమనించిన కాలం..
రొమ్ము విరుచుకుంటూనేఉంది

పాపం జమానాకి తెలియదు
నన్ను ధిక్కరించడం ఎంత పాపమో..
నా మాటలు నేలవిడిచి సాము చేసినప్పుడల్లా
నాలో నేను తడబడుతూనే ఉన్నాను

నా అడుగుల్ని మాటలు నిర్ధరించినప్పుడల్లా
పరిగెడుతూనేఉన్నాను

నిట్టూర్పుల కుంపటి సెగ అనుకున్న వాడి పాలు
పొంగించక తప్పలేదు నాకు
చెమిర్చిన నా చెమటచుక్కలద్దుకున్న వాడి శ్రమ
ఫలితాన తేల్చాక గాని మనసొప్పలేదు

నాడి కొట్టుకోవడం ఆగే వరకూ
నా మౌనాన్ని ఎవరికీ తాకట్టుపెట్టలేను
తిట్టుకునే నుదుటిరాతను మార్చమని
ఏదేవుడికీ ఏకరువు పెట్టలేదు

ఎవడెటైనా పోనీ.. నా మాట వినిపించేంత దూరమైనా
పారాహుషార్ పాటని కట్టిపెట్టలేను..
ఓయ్.. లోకమా.. నీదారి అటుకాదు..
నా వెనుకే.. నువ్వు నడు..

నువు చూడని కొత్త పుంతలు
అందుకునేటందుకు వెళుతున్నా..
వెనుతిరిగి నన్ననుసరించు..

దిగంతాల వెలుగుపువ్వుల్ని నీ దారిన పరుస్తాను
నాతో నడుస్తావా!!.. ఎవరనుకుంటున్నావు నన్నూ..
కవిని నేను..
చీకటిలోకమా.. నీ రవిని నేను.

==28.3.2013==

RTS Perm Link

2 responses so far

2 Responses to “||కాలమా!!.. నువ్వు నా వెనకే..||”

  1. venkatraoon 29 Mar 2013 at 11:52 AM

    naaku chaalaa nachhindi.

  2. venkatraoon 29 Mar 2013 at 12:05 PM

    manchi kavithvam

Trackback URI | Comments RSS

Leave a Reply

*

RTSMirror Powered by JalleDa