Feb 27 2013

నా కొత్త గీతలు: ఫిబ్రవరి 25

Published by at 6:50 PM under my social views

అదిగో టీవీ చూడు..
ఆ పిల్ల ఆటని
ఎంతో ఆనందం కదా చూడడం!!

కన్నీటి చారల మీద
రంగు అద్దారు.. అద్దాల బుగ్గలపైనా..

ఇదిగో.. ఈ పసివాడు..
పుస్తకాల బరువుతో
కన్నవారి పరువుని మోస్తున్నాడు..

అక్కడ ఆ మోటరు సైకిలు బాగుచేస్తూ
బండబారిన లేతచేతులు
పనిపిల్ల చేతులెలా వరుసుకుపోయాయో
తడి బట్టల పనుల్లో

పొలాల్లో గింగలేసేవాడొకడు,
కాడి పట్టే వాడొకడు..ఒళ్ళు పట్టే వాడొకడు
అడుగడుగో దూడకాడ పాలేరు పిల్లోడు
వీడేంటి వడ్రంగి తాపీ పనోడి మల్లే.. వాళ్ళయ్య వెనకే..
అదిగో చదువు మానేసిన యాయవారం పిల్లడు
పరిగలేరుకునే పిల్ల,
గోడకు కొటిన పిడకల్లా.. ఈ పిల్లల బతుకులు
ఇంకా ఏరని చితుకుల్లా.. చిల్లు కాని బతుకుల్లా ..

ఇనప్పెట్టెలైనా.. పేడతట్టలైనా పిల్లలు
పెద్దోళ్ళ బరువులు పసితనం నుంచీ మోస్తున్నారు..
పేరున్న గాడిదల్లా.. బాల్యాన్ని బండగా..

RTS Perm Link

No responses yet

Trackback URI | Comments RSS

Leave a Reply

*

RTSMirror Powered by JalleDa