Feb 19 2013

నా కొత్త గీతలు: ఫిబ్రవరి 16

Published by at 5:20 PM under my social views


కావలివాడికి ఎన్నోపనులు

కుక్కల్ని కాపలాకాయాలి.. వాటి అక్కల్నీ..
గన్నుమోయాలి.. పెద్దోళ్ళ పరువునూ..
ఆఫీసు పనిలా ఇంటిపని చెయ్యాలి, అమ్మగార్లకు బట్టలుతకాలి, బజారుకెళ్ళాలి..
బండి తోలాలి, తుడవాలి.. బూతులు పడాలి తిట్టాలి,
పరిగెట్టాలి, తన్నాలి..
సాల్యూట్ కొట్టాలి.. కాలెగరేసిమరీ..
మేకపోతై.. నించోవాలి..
జాగారాలు చెయ్యాలి..
బందోబస్తులో ఉండాలి..
మందుపాతరలమధ్య, సిధ్ధాంతాలకింద..
పడి పేలాల్లా నలగాలి..
రోడెక్కాలి.. చెట్లెక్కాలి..
గుట్టలెక్కాలి.. ఖాకీ లెక్కల్లో ఉండాలీ..
లెక్కల్లో ఉన్నంతవరకూ.. లెక్కలేనట్లుఉండాలి..
ఎందరు చీ అన్నా.. చాచా అన్నా.. లోకంకోసం బతకాలి
పెత్తందారులు ఎందరున్నా.. జెండా బరువు మొయ్యాలి..

పేరు మరిచి బతకాలి..
హక్కుల్లేని కుక్కినపేనుల్లా కొన్నిసార్లు..
తప్పొప్పులకు నామినీల్లా చాలసార్లు..
కాపలాకుక్కై..అన్నిసార్లూ
ఈ కాల్బలం ముందుంటేనే..
ప్రజాస్వామ్యానికి గజారోహణం

RTS Perm Link

No responses yet

Trackback URI | Comments RSS

Leave a Reply

*

RTSMirror Powered by JalleDa