Jan 08 2013

నా కొత్త గీతలు జనవరి 7

Published by at 2:22 AM under my social views

బహిర్భూమికి వెళ్ళే ప్రత్యామ్నాయం లేకుండా చేస్తున్నారు కొందరు
మరుగుదొడ్ల అవసరం 65 ఏళ్ళలో సగందేశానికే తీరలేదింకా.

నిన్నటి అన్నపానీయాలే నేటి మలమూత్రాలన్న మాట
విన్నారెవరో ఈలోపు.. తిన్నది అరగక మిగిలిన దాన్నీ..
వదిలే దారిలేకుండా చేసినదీ వాళ్ళే.
ఏ క్రిములతో పోల్చాలి? వీళ్ళని!!

పల్లె భారతంలో గాల్లో తేలుతుంది వీరి పాపిష్టి కంపు
అపుడెపుడో గ్రామీణాభివృధ్థి మంత్రిత్వ శాఖ లెక్కలకీ..
జనాభా లెక్కలకీ పొంతనలేక.. టాయిలెట్లు తప్పిపోయాయి కోట్ల సంఖ్యల్లో..

ఇంకా లెక్కలేనివెన్నో.. మేసిన నోరూ గబ్బు కడుక్కోలేకపోయింది ఆ డబ్బుతో
అయినా ఉచ్చోసుకోవడానికి డబ్బులిచ్చే నగరాల మాట కాదిది.
చెంబో సీసాయో పట్టుకుని, ఒంటరిగా బయటికి వెళ్లడానికి జంకి..
గుంపులుగా తిరిగే జంతు సమూహం లో మనం..
పులిచూపుల్తో కొందరు.. శోచాలయ నిధుల్ని బొక్కే తోడేళ్ళూ.. నక్కల్లా మరికొందరు.
ఎటుపోతున్నాం మనం!

RTS Perm Link

No responses yet

Trackback URI | Comments RSS

Leave a Reply

*

RTSMirror Powered by JalleDa