Archive for July, 2013

Jul 23 2013

Yasaswi’s ||First Leaf

Translation of ‘తొలాకు’

One fallen leaf
Bounced off the branch
The Mother root remembers
The rapture of sprouting into
Sunlit world

New leaves moan
The burden of old kinships
Feels like a life sentence
The separation of loved one
In the lustful wind

The tree did not sway
Yet the leaf blew away
Meloncholy of parting never dozes off
In the swing of the wind

Life has to bend before the whirlwind
it has to go on
Since the plant grows into a Tree
Gathering all under its shade

Drinking from the clouds
The Tree remains firm
In the gusty winds of the torrential rains
None sheltered her from
The Sun and the Rain

Unable to forget the first leaf’s loss
The tree patiently sprouted
New leaves in the summer heat

No branch of the tree is
Bothered with the parting
But the fallen leaf
Returns frequently
To visit the greenery

Ancient love
In eternal time
to scion
the first leaf again and again.

RTS Perm Link

One response so far

Jul 22 2013

యశస్వి ||తొలాకు (First Leaf)

రాలిన ఓఆకు
కొమ్మను తాకి ఎగిరిపోయింది.
తల్లి వేరు చివరల్లో
తొలి చిగురు నాటి పులకరింతలు

పాతచుట్టరికాల పొడగిట్టని
కొత్తాకులఆక్రోశం
ఏ గాలో గట్టిగా వీచిన మోహంలో
విడివడ్డందుకు యావజ్జీవ శిక్ష!

మొక్క కదలలేదు..
ఆకు ఆగలేదు.
గాలి ఉయ్యాలల ఊపుల్లో
ఎడబాటు విషాదం దాగలేదు

జీవితం కొనసాగాలంటే
వాలు గాలికి తలొగ్గాల్సిందే..
మొక్క మాను ఐనందుకు
అందరూ ఆ నీడ చేరేవారే

వానలకు వెరవక
ఎన్ని నీళ్ళుతాగి నించుందో చెట్టు
ఎండినా తడిచినా
గొడుగు పట్టేదెవరు

తొలిఆకు ఎడబాటును
ఎండవేడిలో దిగమింగలేక
మొక్కవోని ఓపికతో
ఎన్ని ఆకులను తొడిగిందో

పిందెకాసిన ఏ కొమ్మకూ.. ఈ కష్టం తట్టదు
రాలిన ఓ ఆకు మాత్రం
పచ్చదనాన్ని పరికిద్దామని
అప్పుడప్పుడు వచ్చిపోతూనే ఉంది

ఇంకెన్నాళ్ళో తెలియని కాలంలో
అనాదిగా ఆదిమ ప్రేమ
తుఫానులను వేడుకుంటూ
తొలి ఆకును మళ్ళీ.. తొడగాలని

==20.7.13==

RTS Perm Link

No responses yet

Jul 12 2013

||అభాగ్యనగరం లో..

ఓదార్చేకొద్దీ ఏడ్చేబిడ్డలా ఉంది ఈ ఊరు
గూరుచుట్టుపై రోకటి పోటు..
ఈ సిటీ లైట్ ఉదంతం

కుండ దుమ్మును రోకలితో దులిపినట్టు
పౌరుల పాతభవనాలపైనే మూడోకన్ను
ఆవాలు ముద్ద చేసే చేష్టలు
నగరపాలనలో ప్రస్పుటం

ఇళ్ళు పోగొట్టుకున్నవాళ్ళకు..
ఆకు ఇస్తే.. అన్నం పెట్టినంత పుణ్యం
జీవితాన్ని అందుకోవడమే కష్టం..
పాలుపొంగించుకోవడమెక్కడ..

ఉస్మానియా ఆసుపత్రి
మరో సిటీలైట్ అయ్యేదాక..
హెరిటేజ్ కన్జర్వేషన్ కమిటీ
నియామకానికి..దిక్కూ-దివాణాలేదు..

కూలాకో పోయాకో చూస్తారేమో!!
రాజకీయ అండలు ఉంటే..
ఎక్స్‌గ్రేసియాలో వాటాతో..
ఎన్నిశవాలలైనా దాటొచ్చు

శిధిలం అంచున నించున్న
వివేక వర్థిని, ఇసామియా స్కూళ్ళ గోడు
ప్రభుత్వ ఎజండాకి తట్టదు..

అచ్చిగాడు.. నూతిన పడితే..
ఆ పంచ నాకన్నట్టు..
గోచీ కింద కుర్చీకోసం
పెద్దలకు తీరిక దొరకలేదంట..

ఏడ్చి- ఏడ్చి వరిసిపోయిన కళ్ళు..
కోపాన పోయిన ముక్కు నేల రాస్తే వస్తుందా
ఇస్తే.. చెడేదీ లేదూ.. చస్తే వచ్చేదీ లేదన్నది..
తాతలు తవ్విన చెర్వులాంటి మాట..

ఇప్పుడు పూడుకుపోయింది మనిషి సొంతగొంతు
విభజన జపానికి తప్ప అది పెగలదు
చేతికి బురదైతేనే.. నోటికి పెరుగన్నది నిన్నటిమాట
బురదంటినా బువ్వ చాలక..
ఉప్పువాడు ఏడ్చే.. పప్పువాడు ఏడ్చే.

హలీమ్ ల మాట అల్లాజానే..
దిల్‌సుఖ్‌నగర్ నా బస్తీ ఐనా..
ఇరానీ చాయ్ తాగుతూ
నేనింకా బతికున్నందుకు
నా కాళ్ళకు నేనే మొక్కుకుంటున్నా..

RTS Perm Link

No responses yet

Jul 08 2013

||చిన్నా!.. టైమయింది.. లే…

• చిన్నా!.. టైమయింది.. లే…
• స్కూల్ బస్సు వచ్చేస్తుంది..
• మొహం కడుక్కో..
• పళ్ళు తోముకో..
• నా మాట వినరా కన్నా!!
• టై మైపోతుందీ..
• పక్క అలాగే వదిలేసావు..
• ఇలా దా.. స్నానం చేద్దువ్ గానీ..
• లేచావా!!
• తలదువ్వనీ
• బట్టలివిగో
• బూట్లేసుకున్నావా!!
• ఏరా అలా ఉన్నావే!..
• ఒళ్ళెచ్చగా ఉందా..
• హోంవర్క్ బుక్కు పెట్టుకున్నావా!!
• చూసుకో అన్నీ ఉన్నాయో లేదో.. జాగ్రత్త..
• బాక్సు నువ్వే తింటున్నావా!! ఏదీ వదలొద్దు.. అర్థమైందా!!

• ఈవాళ గేమ్సున్నాయా!! షూస్ జాగ్రత్త
• అవిఇవీ కలపకు.. నెమ్మదిగా తినూ.. నమలాలి.. అలా అని లేట్ చేయకు.. బస్సొచ్చేసింది..
• జాగ్రత్త.. దేవుడికి దణ్ణం పెట్టుకున్నావా!!
• పుస్తకాలు అలా పడేస్తావే!!
• కాళ్ళు – చేతులూ కడుకున్నావా.. ఆగూ..
• పాలు తాగకుండా బయటకు వెళ్ళకు..
• ఈ పాలు తాగు.. తొందరగా ఎదిగిపోతావ్.. బోల్డు బలమొచ్చెస్తుంది
• మూతి తుడుచుకో.. కొద్దిగా పౌడర్ రాస్తానుండు..
• బయటాడుకోరా.. ఎవరితోనూ దెబ్బలాడకు
• మంచిగా ఉండాలి.. కిందే ఆడుకో.. రోడ్డు మీదకు వెళ్ళకు.. కుక్కలుంటాయ్ బాబోయ్
• ఆరింటికల్లా.. ఇంట్లో ఉండాలి! లేకపోతే నేనే వస్తా నీ ఇష్టం మరి..
• ఎన్నింటికి రమ్మంటే.. ఎన్నింటికి వస్తున్నావ్!!
• నీ గది సర్దుకో.. ఇల్లు పాడు చేయకు.. ఈ పక్క పరు..
• ఇప్పుడే చెయ్యాలి లేకపోతే.. టీచర్ తిడుతుంది.
• ఏరా అడివిలో పుట్టావా నువ్వేమైనా!!
• ఒక్క మాటైనా విన్నావా!! నీతో నేను మాట్లాడను..
• ఫోనెత్తు,, సరిగ్గా పెట్టు.. టీవీకి అంత దగ్గరగా కూర్చోకు..
• ఇలా తిరుగు.. ఇలా తిరగమంటుంటే….
• అన్నం వలిగిపోతుంది..
• ఆ గోడ మీద రాయకు ఓనర్ చూసాడంటే తిడతాడు..
• రాత్రికి నీకు కంప్యూటర్ గేమ్ లేదంతే..
• నా మాట వినకపోతే సెల్ ఫోన్ కూడా ఇవ్వను..
• తీసుకున్నాక థాంక్స్ చెప్పాలి..
• నువ్ పెద్దెదిగాకా కానీ నే చెప్పింది నీకర్థం కాదు..
• నీకు పిల్లలు పుట్టేదాకా ఆగు..
• అప్పుడనుకుంటావ్.. అమ్మ నిజం చెప్పిందని..
• ఇదికొరుకు.. నమిలేటప్పుడు నోరు మూసుకోవాలి
• నాతో మాట్లాడకు
• నీ ప్లేట్లో పెట్టిందంతా తినెయ్యాలి.. వదలకూడదు
• విసిగించకు.. గట్టిగా పట్టుకో
• నేను మూడు లెక్కపెట్టేలోగా రావాలి.. లేదా..
• నీ పని నువ్ చూసుకో..
• నాకెందుకు!!.. నిన్నసల పట్టించుకోను ఇలా ఐతే..
• నువ్ ఎంత పెద్దోడివైనా నా కొడుకువేరా..
• తిన్నగా నడు
• నిజం చెప్పు.. అమ్మ మీద ఒట్టేసి..
• మీ ఫ్రెండ్స్ అంతా మేడ మీంచి దూకేస్తే.. నువ్వూ దూకేస్తావా!!
• ఈ మాట నీకిప్పటికి వెయ్యి సార్లు చెప్పాను..
• నువ్వు మీ నాన్న కొడుకువిరా.. అందుకే నా మాట వినవ్..
• నీతోనే మాట్లాడుతుంది.. ఇలా చూడు..
• ఎక్కడతీసింది అక్కడ పెట్టు..
• ఊరికే ఏడవకు..పడుకో..
• మీద కాలూ చెయ్యీ వేసేస్తే ఎలా.. గాలాడదు నాకు…
• దా బొజ్జో…దణ్ణమెట్టుకున్నావా!!

>

అలసిపోయాడమ్మా..బిడ్డ..
వీడు నా బంగారు కొండ..
దిష్టి తియ్యాలి..

RTS Perm Link

No responses yet

Jul 05 2013

యశస్వి || జిందాబాద్ అందామని..

Published by under my social views

రాజకీయం చెడ్డాకాదు..
మనుషులందరిలోనూ మంచితనం మాత్రమే లేదు..
మరెందుకు ముందు జైకొట్టి.. వెనక తిడతాం!!

మందుకొట్టి మద్యనిషేధం కావాలనడం
ఎంతకష్టమో తెలుసా మనకు!!
అయినా సరే.. ఓ మాట అడుగుతాను

చెడుకు పట్టం కట్టాక..
మహా ఐతే జరిగేది మరింత చేటు
కాకపోతే.. ఇంకో మాట చెప్పు…..

అబద్దాలు మనకు అరాచకంతోనే మొదలయ్యాయని..!!
ఏమీ చెయ్యకుండా సంపాదించడం ఇలాకాక మరి ఎలా అని..!!
వ్యాపారాలకు ఒప్పందాలేలా జరుగుతాయని!!

కొత్త పదాలతో పాతకాపులే చక్రం తిప్పుతారనీ
పనికి రాని దేశాలతో మాటల యుధ్ధానికి కాలు దువ్వుతారనీ..
డబ్బులున్న దేశాలకు బెట్టుగా తలొగ్గుతారనీ..

ధనవంతులను మరింత బలవంతులుగ మార్చారనీ
చెత్త మనస్తత్వాలను జనరంజకం చేస్తూ..
ఈ పోసుకోలు కబుర్లేనా.. నువ్వు-నేను రోజూ తలచుకునేది!!

ఎడమ- కుడి కొట్టూకుంటేనేకదా..చప్పట్లు మోగేది..
దృశ్య శ్రవణ మాధ్యమాలలో దుమారం రేగేది..
మన ఇంట వినోదం.. వీధిలో చర్చా సాగేది!!

తిట్టుకుంటూనే కొందరిని..
నెత్తిన పెట్టుకుంటున్నాం కద! కడదాక..
కాటికీ పదవిలో ఉండగానే.. సాగనంపుతున్నాం.

ప్రజాస్వామ్యంలో రాజ లాంఛనాల అంతిమ సంస్కారాలు
ఎందుకందిస్తామో తెలుసా!!
రాజకీయ రంగులో తప్పనిసరి విలాపాలు కష్టంగా మోస్తారని..

1. బయటి వారికోసమే బ్రతికేట్టు కనిపించాలి
2. అధికారాన్ని ఆనందించలేని ప్రజాజీవితం గడపాలి
3. తమ గురించి చెడు చెప్పుకోనీకుండా పక్కోడినీ చూడాలి
4. డబ్బులేమీ ముట్టని జీవితాన్ని లోకానికి చూపాలి
5. ఓటు పోతుందేమోనని.. దేన్నీ కాదనలేని అసహాయత వారి వారధి
6. నవ్వడం.. చేతులు కలపడం ఎంతకష్టమో కదా!!
7. తేలిపోయే వాగ్దానాలు తేలిగ్గానే చెయ్యాలి
8. కొత్త ప్రయోజనాలకు తలొగ్గాలి..
9. అత్యంత ఆసక్తికరంగా అనవరతం మెలగాలి..

ఎంత కష్టం ఈ జీవితం!!
అందుకే ఎర్రతివాచీ స్వాగతాలు..
అంతిమంగా.. జాతీయ పతాక అవనతాలు..

ఎక్కడ మొదలెట్టి.. ఎక్కడకు వచ్చాను నేనూ!!.

అబ్రహంలింకన్ గారూ..
మీ తర్వాతా మంచిగా చెప్పడానికి..
ఏం మిగిల్చారు మావారు!!
మీ వారసత్వం బొత్తిగా రాలేదెవరికీ.. సారూ..

Ps: అన్ని పథకాలనూ అనుభవించేసి..
ఒక్క ఓటుని ఖరీదుకు అమ్మేసి..
రాయితీలు..రుణమాఫీ అనుభవించి..

తిన్నది అరక్క..
ఊరికే తిట్టుకుందాం బ్రదరూ..
ప్రజాస్వామ్యం బరువును ఏ గాడిదైనా ఎలా మోస్తుంది!!

జీవితానుభవాల్ని వృధాగా వదిలేసి..
విశ్లేషకులు విమర్శలకే పరిమితమౌతుంటే!!

RTS Perm Link

No responses yet

Jul 04 2013

||నన్ను చదివే ఆ కళ్ళకు..

Published by under my social views

ఇంటికొస్తానో.. లేదో..
ఆపాదమస్తకం అవలోకనాలింగనాలు

ఖాళీ చేతుల్ని తడిమిన
రెండు జతల కళ్ళు..
దిగులుగా వాలిపోతాయి..

అంకురాన్ని మొలకెత్తించిన దర్పం ఆమెది..
క్షమయా ధరిత్రీ అని
ఆ క్షణం మరుస్తుంది.

ప్రేమని పిల్లల పాలు చేసిన మమకారం
ఏకపక్ష నిర్ణయంతో
సామరస్యాన్ని ఏమారుస్తుంది.

మూడుగుళ్ళాటలో
ఇల్లు న్యాయస్థానం అవ్వడం
నే దోషినవ్వడం.. రూఢీ అవుతుంది.

అభ్యంగన స్నానాలలో తడిసి మెరిసాక..
శిక్షకు తలవంచి.. చూపులంటిన కాళ్ళూ
నాలిక కరచుకొన్న చెప్పులు..

గుమ్మం పహారాలో
మరచినది మోసుకు రావడానికి..
బజారున పడతాయి

డబ్బుల తోలుతిత్తి నాకన్నా నయం
సన్నబడడానికి
కష్టంగానైనా..ఆరాటపడుతుంది

తలవంచక తప్పని నాకు
సివంగి..వేటాడి తెస్తే..
విందారగించే మృగరాజులా
ఆ దర్పం ఎందుకో!!

కాఫీ కప్పు అడగకుండా అందుకునే నా ఆనందం
తనకెన్ని సింహావలోకనాలకైనా..
అంతుచిక్కదు.

పశు ప్రవృత్తి నుంచి ఇంకా బయటపడని
మగాడు ప్రేమను పండించుకోవడం ముందు
విధి వంచితుడేనా!!

ఏమో!! ప్రేమ..
నిత్య చైతన్యశీలి..
ఎన్నిరంగులైనా మార్చగలదు..

మగాడి కామమే జీవితసత్యం.
ఒక్క ఒప్పందానికి..
ఎన్ని అవసరాలైనా తీర్చగలదు.

RTS Perm Link

No responses yet

RTSMirror Powered by JalleDa