కనులు కనులతో కలబడితే
ఆ తగవుకు ఫలమేమి? కలలే…! ||2||
నా కలలో నీవే కనబడితే
ఆ చొరవకు బలమేమి? మరులే…!
మరులు మనసులో స్థిరపడితే
ఆపై జరిగేదేమి? మనువు…!
మనువై ఇద్దరు ఒకటైతే
ఆ మనుగడ పేరేమి? సంసారం…! ||కనులు||
అల్లరి ఏదో చేసితిని
చల్లగ ఎదనే దోచితివి ||2||
ఏమీ లేని పేదనని
నాపై మోపకు నేరాన్ని ||2||
లేదు ప్రేమకు పేదరికం
నే…కోరను నిన్ను ఇల్లరికం ||2||
నింగి నేలకు కడుదూరం
మన ఇద్దరి కలయిక విడ్డూరం ||కనులు||
ఇటీవలి వ్యాఖ్యానాలు