ఉండాలోయ్ ఉండాలి..!
Posted September 7, 2009 
Comments(7)
Comments(7) 
ఫిలింకు పాట
పిల్లలకు ఆట
రాజుకు కోట
ఉండాలోయ్ ఉండాలి
అత్తకు నోరు
దేవుడికి తేరు
స్టారుకు కారు
ఉండాలోయ్ ఉండాలి
స్టేజీకి తెర
కత్తికి ఒర
చేపకు ఎర
ఉండాలోయ్ ఉండాలి
యింటికి అమ్మ
నిమ్మకి చెమ్మ
కొలువుకి బొమ్మ
ఉండాలోయ్ ఉండాలి
తలుపుకి గడి
దేవుడికి గుడి
అవ్వకు మడి
ఉండాలోయ్ ఉండాలి
జూదరికి పేక
గొడ్లకి పాక
గాంధీకి మేక
ఉండాలోయ్ ఉండాలి
అరవలకు పొగాకు
ఆంధ్రులకు గోగాకు
మళయాళులకు తేయాకు
ఉండాలోయ్ ఉండాలి
(దివంగత పి.భానుమతీ రామకృష్ణ.. నవంబరు 1947 చందమామ పత్రికలో పాపాయిల కోసం రాసిన ఓ బుజ్జిగీతం… ఆ మహానటి జన్మదినం (సెప్టెంబర్ 7) సందర్భంగా మీ కోసం…)
Powered by FireStats
good.tEru amtE emitandi.
ఉత్సవాలు జరిపేటప్పుడు రథం లాగుతారు కదండీ. రథాన్నే తేరు అని అంటారు.
bagundi.
గాంధీకి మేక endukandI…!?
మంచి పాట గుర్తు చేసారు. కృతజ్ఞతలు.
SRRaoగారూ, ప్రేమికుడుగారూ ధన్యవాదాలండీ..
గాంధీజీ ఎప్పుడూ మేకపాలు తాగుతుంటారటండి. అందుకనే భానుమతిగారు అలా రాసారనుకుంటా…!
ఐతే మీరు భానుమతిగారి అభిమనులన్న మాట !
అవునండి…