chitralekha

హల్లో ఫ్రెండ్స్,
మొన్న శుక్రవారం మొదలు పెట్టాను బుక్ చదవటం. ఎలాగూ శనివారం,ఆదివారం ఆఫీస్ ఉండదు కదా, బుక్ పూర్తిగా చదివి ఆదివారం సాయంత్రం మీతో దాంట్లోని విశేషాలు పంచుకుందాం అనుకున్నాను.కానీ ఆ రెండు రోజులూ తీరిక లేకపోవటం వల్ల అది చదవటం పూర్తి కాలేదు.కానీ మిమ్మల్ని ఇంకా వెయిట్ చేయించటం ఇష్టం లేదు నాకు. కాబట్టి చదివినంత వరకు విశేషాలు రాస్తాను. ఒకవేళ మీకు అవి నచ్చితే మిగిలింది కూడా ఇలాగే మీతో షేర్ చేస్కుంటాను,సరేనా… ఇక విశేషాలల్లోకి వెళ్దాం..
బుక్ పేరు: Emotional Intelligence
రచయిత పేరు: Daniel Goleman

మొదటి అధ్యాయంలో మెదడులోని ఏయే భాగాలు బయట నుండి వచ్చే ఇంఫర్మేషన్ని ఎలా ప్రాసెస్ చేస్తాయి అనే సంగతి చెప్పాడు… ప్రాణుల పరిణామక్రమంలో మెదడులో కొన్ని చాలా బేసిక్ పనులను మాత్రమే చేసేదిట, ఊపిరి తీస్కొవటం, మెటబాలిజం ని కంట్రోల్ చెయ్యటం లాంటి పనులు. ఇది కొత్త విషయాలను నేర్చుకోగలిగేది కాదు.తర్వాత ఈ మెదడునుండి ఎమోషనల్గా రియాక్ట్ అయ్యే మెదడుగా మారింది.ఏదైన వాసన చూసినప్పుడు అది తనని వేటాడే జంతువైతే పారిపోవటం,తను వేటాడాల్సిన జంతువైతే అటాక్ చెయ్యటం ఇలాంటివి చెయ్యగలిగేది.. తర్వాత ఈ మెదడు నుండి తెలివిగా అలోచించగలిగే మెదడుగా రూపాంతరం చెందింది.దీన్నే నియొకార్టెక్స్ అంటారు.. మన కళలూ, నాగరికత ఇవన్నీ నియొకార్టెక్స్ యొక్క ఫలాలే..నియొకార్టెక్స్ లేని జీవులల్లో తల్లి ప్రేమ, కుటుంబ భావనలు ఉండవు.దీనికి ఉదాహరణ పాములలాంటి సరీసృపాలను చెప్పుకోవచ్చు.

మనమప్పుడప్పుడూ వింటూ ఉంటాం క్షణికావేశంలో హత్య చెసాడనో,కొట్టాడనో..(మొన్న కె.కె గారి సుపుత్రుడిలాగా అన్నమాట!)అసలలా ఎలా చెస్తారు పర్యవసానాలు లెక్కచెయ్యకుండా అనిపిస్తుందా?? దానికి కారణం కూడా మన మెదడులోనే ఉందంట.మన మెదడులో రెండు ముఖ్య భాగాలుంటాయంట. ఒకటి నియొకార్టెక్స్(విశ్లేషించే మెదడు) రెండోది అమిగ్డాలా(ఫీల్ అయ్యే మెదడు).సాధారణంగా ఙానెంద్రియాలు తెచ్చే ఇంఫర్మషన్ ముందు నియొకార్టెక్స్ కి వెళుతుంది.అది దాన్ని విశ్లేషిస్తుంది.తర్వాత అమిగ్డాలా ఆ విశ్లేషణ పై ఆధారపడి నిర్ణయం తీసుకుంటుంది.అమిగ్డాలాకి నియొకార్టెక్స్ నుండి వచ్చే విశ్లేషణాత్మక సమచారం కంటే ముందే ఙానెంద్రియాల నుండి నేరుగా కొంత సమాచారం వస్తుంది. ఐతే అది పరిపూర్ణమైనది మాత్రం కాదు,కాని తొందరగా వస్తుంది.అసాధారణ పరిస్తితులల్లో అమిగ్డాలా ఈ సమాచారం ఆధారంగా నిర్ణయం తీస్కుంటుంది.అది పూర్తిగా లేకపొవటం వల్ల,అమిగ్డాలా కి విశ్లేషించే సమయం,సామర్థ్యం లేకపొవటం వల్ల ఆ నిర్ణయాలు సరియైనవి కాకపోవచ్చు.

కానీ అతి తక్కువ సమయంలో,అసంపూర్తి సమాచారంతో వేగంగా నిర్ణయ తీస్కునే అమిగ్డాలా సామర్థ్యం ప్రమాద సమయాలల్లో చాల ఉపయోగకరం.ఏదైన జంతువు మన మీద అటాక్ చెసినప్పుడు అది ఏ జంతువో ఏంటో అనలైజ్ చెయ్యటం కన్నా పారిపోవటం చాలా ముఖ్యం కదా.

సరే, ఇది కాసేపు పక్కన పెడదాం.

చివరకి మనం ఒక మ్యాచ్ గెలిచాం.ఇవ్వళ మా ఆఫీస్ లో మ్యాచ్ పుణ్యమా అని నెట్ వర్క్స్ అన్నీ స్లో అయ్యి మా ఐ.టి. డిపార్ట్మెంట్ గగ్గోలుపెట్టింది-లైవ్ మ్యాచ్ ఆఫీస్ లో పెట్టకండి బాబోయ్ అని!!!

ఇక ముగించే ముందు జోకు: మాకు ఇంటర్ చదివేటప్పుడు వెంకట్రావ్ అని ఒక లెక్చరర్ ఉండేవారు.చాలా లావు మనిషి.ఆయనకి కొత్తగా పెళ్ళి అయిన తర్వాత ఫస్ట్ రోజు కాలేజ్ కి వచ్చేటప్పుడు ఒక చేతికి రెండు ఉంగరాలు, మెడలో గొలుసు వేసుకొని టిప్-టాప్ గా వచ్చారు.ఆయన లావాటి రెండు వేళ్ళకి రెండు ఉంగరాలు చూసి మా ఫ్రెండ్ సౌమ్య “ఈయనకి ఆడపిల్ల పుడితే ఆ రెండు ఉంగరాలతో రెండు గాజులు చేయించొచ్చు” అని కామెంటు.

gud night friends..

This entry was posted on Monday, October 8th, 2007 at 12:11 pm and is filed under Uncategorized. You can follow any responses to this entry through the RSS 2.0 feed. You can leave a response, or trackback from your own site.