నమస్తే అండీ…..
సివరాఖరికి నా బద్దకాన్ని కొంచెం పక్కన పెట్టి,నా సొంత బ్లాగ్ క్రియేట్ చేస్కుంటున్నాను ఇవ్వాళ
కానీ విపరీతంగా ఆలోచించాను, అసలేం రాయాలి కంటే ముందు
అసలేం పేరు పెట్టాలి అని, కూసింత తెలుగుదనం కనిపించాలని నా కోరిక…
అందుకని మునిమాణిక్యం వారి కాంతాన్ని, నండూరి వారి యెంకిని, విశ్వనాథ్ గారి స్వాతి ముత్యాన్ని
యండమూరి గారి వెన్నెల్లో ఆడపిల్లని,ముళ్ళపూడి వారి బుడుగుని పరిశీలించానండీ, కాని ఈ పేర్లు వింటే నా బ్లాగ్ కంటె ముందు,వేరే గొప్పవాళ్ళు గుర్తొచ్చేస్తున్నారు కదండీ అందుకే ఆ ప్రయత్నం మానేస్కున్నాను.మరి టైం పాస్ పల్లి-బఠాణి అని పెడదాం అనుకున్నాను,కాని అది మరమరాలకి కాపీ లాగా అనిపించింది.అందుకని, చిత్రలేఖ అని పేరుని కంఫర్మ్ చేస్కున్నాను, కొంచెం కొత్తగా, అందంగా ఉంది రెలెవెంట్ గా కూడా ఉంటుందని సెలెక్ట్ చేసానండీ..ఎలా ఉందంటారు ఆ..???
పేరుకే ఇంత సోదా అంటారా, సరే కంటెంట్ లోకి వెళ్దాం…
అయినా మనకి కబుర్లకి కరువా చెప్పండి, రాష్త్రంలో దేవుడి పాలన నడుస్తుంది. మధ్యంతరం మట్టిగడ్డ
అని ప్రతిపక్షాలు, అధికార పక్షాలు రెండేళ్ళ ముందు నుండే రెడీ అయిపోతున్నారు…వాళ్ళదేం పోయింది, ఇంకో వైపు యాభయ్యేళ్ళ యంగ్ హీరోలు(బాలన్స్ అవుతుందని, మినిమం ఇద్దరు పాతికేళ్ళ హీరోయిన్స్ ని పెడతారు వీళ్ళకి),అఫ్ కోర్స్ మధ్యలో మంచి కాఫీలంటి సినిమాలూ ఉన్నాయనుకోండి… వరల్డ్ కప్ గెలిచిన ఇండియా టీం ఉండనే ఉంది..ఇంకో పక్క మ ఆఫీసులో మాంచి చణుకులు విసిరే శంకర్ గారు, దిమ్మ తిరిగె సెటైర్లేసే మా ఫ్రెండ్ జానకి… ఇవన్నీకలిపి కొడితె టైం పాస్ పల్లీ బఠణీస్ తో చిత్ర లేఖ రెడీ…
ఇవ్వాళ గాంధి జయంతి కదా. మీకో సంగతి తెలుసా గాంధి గారు తన ఆత్మ కథ “సత్యంతో నా ప్రయోగాలు”(My Experiments With Truth)ని యరవాడ జైల్లొ ఉండగ రాసారటండీ నవజీవన్ పత్రిక కోసం..గాంధి జయంతి ఇప్పుడు ఇక ప్రపంచ అహింసాదినం కూడా.. దీని కొసం న్యూయర్క్ వెళ్ళిన సొనియా గాంధికి స్వాగతం చెప్పటానికి “గాంధి పేరుని కలుషితం చేయొద్దని” బోర్డులు పెట్టారంట…
మన రాష్ట్రం లొ వై.యస్. గారు వరాల జల్లు కురిపిస్తున్నారు.. రెండు రూపాయలకి కిలో బియ్యం , పొలీసు ఉద్యోగాలు, ఇందిరమ్మ అని హడావిడి చేసేస్తున్నారు. బాబేమో ఉచిత విద్యుత్ అని కాంగ్రెస్ ని కాపీ కొట్టేసారు. వై.యస్. హెలికప్టర్ ఎక్కితే రోశయ్య గరికి గుండె దడ అంట. . ఏమేం వరాలిస్తాడో అని..
కర్నాటకలొ చూస్తే మళ్ళీ మధ్యంతరం వచ్చేలాగా ఉంది..
ఇక తమిళనాడు వాళ్ళైతె ప్రపంచం ఎవ్వరినీ లెక్క చెయ్యరేమో అనిపిస్తుంది నాకైతే. బంద్ వద్దని సుప్రీం అన్నా లెఖ్ఖ లేకుండా చేసి చూపించారు.
అన్నట్టు చిరుత యావరేజ్ అని విన్నాను.. డాన్స్ బాగా చేసాండంట కదా… చిరు తనయుడు కదా చెయ్యకుండా ఎలా ఉంటాడులెండి..
ఇవ్వాల్టి ఈ పోస్ట్ ని మా జానకి సెటైర్ తో ముగిస్తానేం..
ఒక సారి మా అనంత్ అన్నాడు ఏదో మాట వరసకి “మనకేంటి కింగులం” అని
దానికి మా జానకి “అవును, తుగ్లక్ కూడా కింగే” అని రెటార్ట్ ఇచ్చింది..
ఇంకేముంది.. మాడు మొహం బై అనంత్…
ఇంక ఇవ్వాల్టికి సెలవు తీస్కుంటానండీ .. నా డొక్కు లాప్-టాప్ లబోదిబో అంటుంది..
modaTi post tonee adaragottarandi super.
బ్లాగ్లోకానికి స్వాగతం……
బాగుంది మీ పల్లీ బఠానీ కాలక్షేపం….!
జానకి పంచ్ అదరహో…..ఇంకా ఇలాంటి పంచ్ ల తో రావాలని
బాగా రాసారు.
చిత్రలేఖ అని తెలుగులో రాయండి ఇంకా బావుంటుంది.