చందమామతో చెలిమి – మా చందమామ జ్ఞాపకాలు

September 1st, 2009
చందమామ జ్ఞాపకాలు : త్రివిక్రమ్

చందమామ జ్ఞాపకాలు : త్రివిక్రమ్

త్రివిక్రమ్ గారూ,
మనఃపూర్వక కృతజ్ఞతలు. పని ఒత్తిళ్లలో ఉండి కూడా ఆలస్యంగా అయితేనేం, మీ చందమామ జ్ఞాపకాలను “చందమామతో చెలిమి మా చందమామ జ్ఞాపకాలు’ పేరిట  తీపిగుర్తులుగా ఆన్‌లైన్ చందమామకు పంపారు.

http://www.chandamama.com/lang/story/stories.php?lng=TEL&mId=12&cId=49&stId=2166

ఈ శీర్షిక మొదలు పెట్టినప్పుడు మొదట మీదే రావలసి ఉండె. మొత్తంమీద 30, 40 సంవత్సరాల క్రితం తెలుగు చదవగలిగిన కుటుంబాలు ఆంధ్రరాష్టం నలుమూలలా సాగించిన చందమామ ఒరవడిని మీ ‘చందమామతో చెలిమి’ కథనం చక్కగా వివరించింది. చదువుతుంటే మా యింట్లో నాన్న చందమామను తొలిసారిగా తీసుకువచ్చి మాకు పరిచయం చేసిన నాటి అమృత గడియలు ఒక్కసారిగా జ్ఞాపకానికి వచ్చాయి.

రెండు మూడు తరాల క్రితం కుటుంబానికి చందమామకు లంకె కుదర్చాలంటే నాన్నే ప్రధాన ఆధారం. అందుకే తెలుగునాట చందమామ నాన్నల ఆదరణ సాక్షిగా మొగ్గతొడిగిందంటే అతిశయోక్తి కాదనుకుంటా. (అమ్మల ప్రోత్సాహం, తమపిల్లలకు వారు కథలతో జోకొట్టడం వంటివి ఉన్నప్పటికీ, ఊకొడితే చాలు ఆ గడియకో కథ చెబుతూ పిల్లల కథా దాహాన్ని తీర్చడంలో అమ్మల పాత్ర తక్కువేమీ కాదు) 

ఈ శీర్షిక కేవలం చందమామ అభిమానులకు, ‘చంపి’ లకు, పాఠకులకు మాత్రమే సంబంధించింది కాబట్టి  వీలైనంత మంది చందమామ ప్రేమికులు తమ చందమామ జ్ఞాపకాలను కింది లింకుకు తమ ఫోటోతో సహా పంపితే బాగుంటుంది.

చందమామను తన సవతుల్లో ఒకటిగా భావించిన మీ జీవన సహచరి చివరకు తానే చందమామ ప్రేమికురాలిగా మారడం…
ఇంతకంటే చందమామకు ఏం కావాలి. తెలుగు జాతికి, చందమామకు ఏర్పడిన ఈ రుణానుబంధం ఎన్నటికీ చెరిగి పోకూడదని ఆశించడం తప్ప మనం ఏం చేయగలం చెప్పండి.

అంతవరకూ పాఠకుల ‘చందమామ జ్ఞాపకాలు’ కోసం నిరీక్షిస్తూ…

రాజు.

 

త్రివిక్రమ్ గారి ‘చందమామతో చెలిమి’ కథనం కోసం కింది లింకులో చూడగలరు

http://www.chandamama.com/lang/story/stories.php?lng=TEL&mId=12&cId=49&stId=2166

ఆన్‌లైన్ చందమామ హోమ్ పేజీలో కూడా చూడగలరు.

telugu.chandamama.com కు మీ రచనలు, చందమామ జ్ఞాపకాలు, సూచనలను కింది లింకుకు పంపండి.

abhiprayam@chandamama.com

RTS Perm Link


2 Responses to “చందమామతో చెలిమి – మా చందమామ జ్ఞాపకాలు”

  1. Venkataram Babu on September 1, 2009 3:10 AM

    నాకైతే చందమామ చదవడమే కాదు…చదివి చదివి ఆ అనుభవాలలో మునిగితేలి..నా ఊహకి తగ్గట్టు చిన్నపిల్లలకి కధలను కధలు కధలుగా చెప్పడం జ్ఞాపకం వస్తోంది ఈ ఆర్టికల్ చదువుతుంటే..మనఊర్లో…ఎలాగైనా…చిన్ననాటి జ్ఞాపకాలు..అద్బుతం.

  2. chandamamalu on September 2, 2009 4:36 AM

    చిన్ననాటి జ్ఞాపకాలు చందమామతో దోబుచులాడటమే ఓ భాగ్యం. తెలుగు చదవగలిగిన, రాయగలిగిన కుటుంబాలకు చందమామ వరకు 1950, 1960, 70 ల కాలం ఓ స్వర్ణయుగం. ఆ జ్ఞాపకాలలో మునిగి తేలిన భాగ్యవంతులకు మాత్రమే తెలుసు చందమామ కథలు ప్రసాదించిన ఊహల వరాలు.

    ధన్యవాదాలు.

Trackback URI | Comments RSS

Leave a Reply

Name

Email

Website

Speak your mind